Төмөрбулаг сумаас төрсөн "Улсын аварга малчид"-ын тоо нэгээр нэмэгдлээ.
Жил бүрийн сар шинийн босгон дээр Улсын аварга малчин, хошой аварга малчин, аварга саальчин, аварга фермер, аварга тариаланч хамт олон, аварга тариаланчдыг тодруулдаг уламжлалтай. 17 жарны "Тийн унжлагат" хэмээх шороон нохой жилийн сар шинийн өмнө Төмөрбулаг сумын 2 дугаар багийн аймгийн Хошой аварга малчин Хорлоогийн Хүрэлбаатар "УЛСЫН АВАРГА МАЛЧИН"-аар шалгарч, тус сумаас 1990 оноос хойш "Улсын сайн, аварга" малчнаар тодорсон 6 дахь, тус багаас төрсөн 4 дэхь Улсын аварга малчин боллоо.