12 дугаар сард аймгийн ИТХ-ын 14 дүгээр хуралдаан болно. Тус хурлыг угтаж аймгийн ИТХ-ын Зөвлөл өргөтгөсөн байдлаар хуралдлаа.
Хурлаар:
Аймгийн ИХТ-аас баталсан нийгмийн салбарт /эрүүл мэнд, боловсрол/ хэрэгжиж байгаа дэд хөтөлбөрүүдийн биелэлт, хэрэгжилт
Аймгийн ИТХ-ын даргын захирамжаар байгуулагдсан “Аймгийн хэмжээнд 2022-2023 оны улсын болон орон нутгийн төсвийн хөрөнгө оруулалтын чанар, үр дүнд хөндлөнгийн хяналт шинжилгээ хийх” ажлын хэсгийн тайланг тус тус сонслоо.
Хэлэлцсэн асуудлуудад аймгийн ИТХ-ын төлөөлөгчид өөрсдийн саналуудаа хэллээ. Үүнд:
Нийгмийн салбарт хэрэгжсэн хөтөлбөрүүдийн хэрэгжилтийг бодитойгоор дүгнэж, боловсронгуй болгох, 2024 онд тус салбарт нэн шаардлагатай хөтөлбөрүүдийг эрэмбэлэн танилцуулах үүрэг өглөө.
Мөн ИТХ-ын даргын захирамжаар байгуулагдсан хяналт шалгалтын ажлын хэсгийн тайлангийн дүгнэлтийг 14 дүгээр хуралдаанаар оруулж, танилцуулахаар санал нэгдлээ.
