Орон нутгийн сүсэгтэн олны хүсэлтийн дагуу сумын ИТХ, ЗДТГ-аас холбогдох зардлыг нь санхүүжүүлж шинийн 6-7-ны өдөр Мөрөнгийн хүрээ Гандандаржаалин хийдийн лам нарыг урин залж ном хуруулж, сум орон нутгийн уул, ус газар орныг баясгаан, айл өрх, иргэд, олон түмний жилийн заслыг хийлгэх, номын буяныг аривжуулах, аж амьдралыг төвшитгөх, сум орон нутагт сайн сайхан үйлсийг дэлгэрүүлэхийн төлөө шашин номын үйл ажиллагааг зохион байгуулав. Сумын ИТХ, ЗДТГ-аас уг арга хэмжээг зохион байгуулж номын буяныг түгээсэн  Мөрөнгийн хүрээ Гандандаржаалин хийдийн Тамгын лам М.Мөнхбат, оточ маарамба Д.Эрдэнэ-Очир тэргүүтэй лам хуврагуудад хүндэтгэл үзүүлж "Талархал" үнэ бүхий зүлйийг гардуулав.