МОНГОЛ ВИТНЕТ Төрийн бус байгууллага нь 2014 оноос эхлэн тус суманд нийгмийн сайхны төлөө үйл ажиллагаа явуулж оюуны болон санхүүгийн хөрөнгө оруулалтыг хийж ажиллаж байна. Тус Төрийн бус байгууллагаас 2015 оны 03 дугаар сарын 23-24-ны өдрүүдэд сумын төрийн байгууллагын удирдах болон гүйцэтгэх, үйлчилгээний албан хаагчдын дунд "Алсын хараа ба зорилго" сэдвээр, гэр бүлийн гишүүдийн дунд "Аз жаргалтай гэр бүлийн харилцаа" сэдвээр сургалт явуулсан нь төрийн албан хаагчдаас үйл ажиллагаагаа хэрхэн зөв төлөвлөж ажиллахад нь, иргэд, гэр бүлийн гишүүд гэр бүлээ хэрхэн аз жаргалтай авч явахад нь ихээхэн ач холбогдолтой, үр дүнтэй сургалт боллоо. Сургалтанд 40 гаруй төрийн албан хаагчид, 20 гаруй өрх гэр бүлээрээ хамрагдаж, мэдлэг мэдээллээ дээшлүүллээ.