Сумын ИТХ-ын дарга Г.Бямбасүрэн, ИТХ-ын тэргүүлэгч Л.Бат-Эрдэнэ нар БСШУ-яамнаас хэрэгжүүлж байгаа "Бага боловсролын цөм хөтөлбөрийг үндэсний хэмжээнд хэрэгжүүлэх арга хэмжээний хүрээнд сумын ЕБС-иас 2015 оны 04 дүгээр сарын 24-ны өдөр зохион байгуулсан "Хүүхэд бүрийг хөгжүүлэх үйл ажиллагааны туршлага солилцох зөвлөгөөн"-д оролцов. ИТХ-ын дарга Г.Бямбасүрэн зөвлөгөөнд оролцогчдод хандаж орон нутагт "Бага боловсролын цөм хөтөлбөрийг хэрэгжүүлэх" ажлыг эрчимжүүлэх талаар болон ИТХ-ын байгууллагаас боловсролын талаар баримталж байгаа бодлого шийдвэрийн талаар үг хэлж, харилцан санал солилцов. Хурлын тэргүүлэгч, ИТХ-ын дэргэдэх Нийгмийн бодлогын хорооны дарга Л.Бат-Эрдэнэ уг зөвлөгөөнийг зохион байгуулах ажлын хэсгийн бүрэлдэхүүнд ажиллаж, бага ангийн сурагчдын хичээлд сууж, хичээлийн үр дүнгийн талаар зөвлөгөөнд оролцогчдод мэдээлэл хийв.