Хөвсгөл аймгийн Төмөрбулаг сумын ИТХ
Хөвсгөл аймгийн Төмөрбулаг сумын ИТХ
Нийтийн санал асуулга явуулав.
2015-11-03
УИХ-ын Тамгын газар, Швейцарын хөгжлийн
агентлаг, НҮБ-ын хөгжлийн хөтөлбөрийн хамтран хэрэгжүүлж буй “Нутгийн өөрөө удирдлагын
байгууллагын чадавхийг бэхжүүлэх нь” /MON-13/101/ төслөөс зарласан Иргэдийн
Төлөөлөгчдийн Хурлын үйл ажиллагааг дэмжих тэтгэлэгт хөтөлбөрийг орон нутагт хэрэгжүүлэх ажлын төлөвлөгөөний дагуу сумын ИТХ-ын Төслийн багийн бүрэлдэхүүн нийтийн санал асуулгыг иргэдийн дунд зохион байгуулан ажиллаж байна. Санал асуулганд хөдөөгийн 4 багийн 320 айл өрхийн иргэд хамрагдсан бөгөөд 5-р багт 11с арын 4-6-ны өдрүүдэд зохион байгуулна. Санал асуулгыг 1-р багт Төслийн багийн ахлагч, ИТХТ-ийн нарийн бичгийн дарга Ц.Бямбадорж, багийн гишүүн ИТХ-ын төлөөлөгч Л.Бат-Эрдэнэ нар 10 сарын 31-нээс 11 сарын 02-ны хооронд, 2-р багт Төслийн багийн гишүүн ИТХ-ын дарга Г.Бямбасүрэн, багийн гишүүн ИТХ-ын төлөөлөгч Ч.Цэдэвсүрэн, ИТХ-ын төлөөлөгч Н.Бямбачулуун нар 10 сарын 31-нээс 11 сарын 02-ны хооронд, 3-р багт Төслийн багийн гишүүн ИТХ-ын дарга Г.Бямбасүрэн, байгаль хамгаалагч Б.Жаргалсайхан нар 10 сарын 27-30-ны хооронд, 4-р багт Төслийн багийн гишүүн ИТХ-ын төлөөлөгч М.Энхбат , сумын Засаг дарга Б.Ганзориг, Байгаль хамгаалагч Ч.Амаржаргал, Цагдаагийн хэсгийн дарга Ц.Даваадорж нар авч ажиллав. Тухайн багуудын иргэдээс авсан санал асуулгын дүнг нэгтгэв.
