Уг арга хэмжээнд зориулан сумын Иргэдийн Төлөөлөгчдийн Хурлаас "Өсвөрийн хүүхдүүдийн үндэсний бөхийн барилдаан"-ыг зохион байгуулахад шөвгийн 4-т 11-ийн "в" ангийн сурагч Э.Батхүү, 12-ын "б" ангийн сурагч Хүдэрчулуун,  12-ын "а" ангийн сурагч Д.Есөнхүлэг үзүүрт шалгарч,, 12 б ангийн сурагч Э.Батхуяг түрүүлэв. Амжилттай оролцсон хүүхдүүдийн шагналыг ИТХ-ын дарга Г.Бямбасүрэн гардуулав. Мөн ойд зорилусан хурдан дааганы уралдааныг зохион байгуулж сумын Засаг даргын тамгын газар шагнал урамшлыг хариуцан байлав. Дааганы уралдаанд 1-р байрт Б.Дэлгэрсайханы Өсгий цагаан даага түрүүлсэн байна. Даага унасан бүх хүүхдүүдэд ЕБС-иас гарын бэлэг өгсөн байна. ЕБС-иас гар бөмбөгийн тэмцээнийг иргэд олон нийтийн дунд зохион байгуулахад эрэгтэйчүүдээс ЗДТГ-ын баг, эмэгтэйчүүдээс ЕБС-ийн багууд түрүүлэв. Шагайн харваа, шагай шүүрэх тэмцээнийг сургуулийнхаа багш ажилтны дунд зохион байгуулж  соёлын төвд үдэшлэг цэнгүүнийг иргэд олон нийтэд нээлттэй зохион байгуулав.

Мэдээллийн эх сурвалж: ЕБС-ийн Нийгмийн ажилтан А.Лхагвасүрэн