Тус сумын 4-р багийн 2016 оны ИНХ-ын анхдугаар хуралдаан 11 сарын 13-ны өдөр багийн төвд хуралдав. Хуралдаанд багийн нийт өрхийн 50-иас дээш хувийн төлөөлөл 300 гаруй иргэд оролцов. Хурлаар дараах асуудлуудыг хэлэлцэв.
1.Багийн ИНХ-ын анхдугаар хуралдааны дэг батлах тухай
2.Багийн ИНХ-ын даргыг сонгох тухай
3.Багийн ИНХ-ын Тэргүүлэгчдийн  тоог тогтоож, бүрэлдэхүүнийг нь сонгох тухай
4.Багийн Засаг даргад нэр дэвшүүлэх тухай
5. Багийн нутаг дэвсгэрт амралт, рашаан сувиллын чиглэлээр үйл ажиллагаа явуулах газар эзэмших иргэний саналын тухай
Дээрх 5 асуудлыг хэлэлцэхээр батласнаас 5 дах асуудал иргэдийн дэмжлэг авсангүй. Хурал эхлэхийн өмнө сумын Засаг дарга, ИТХТ-ийн нарийн бичгийн дарга, ЗДТГ-ын МЭҮТ-ийн дарга, Байгаль хамгаалагч нар холбогдох хууль тогтоомж, цаг үеийн ажлын талаар мэдээлэл хийж, сумын Засаг дарга Хөдөлмөрийн хүндэт медалиар шагнагдсан Ш.Дашдэлгэр , Төмөрбулаг сумын "Нутгийн бахархал" шагналаар шагнагдсан өндөр настан Л.Цэрэнсүрэн, Б.Дашмягмар нарын шагналыг нь гардуулав. Хуралдааны үеэр сумын Цагдаагийн хэсэг бүрэлдэхүүнээрээ ажиллав.
Тус хуралдаанаас багийн ИНХ-ын даргад 7 иргэд нэр дэвшиж өрсөлдсөнөөс Ш.Дашдэлгэр, П.Мягмарсүрэн нар дээр дахин санал хураалт явагдаж олонхийн санал авсан П.Мягмарсүрэн ИНХ-ын даргаар сонгогдлоо. Багийн Засаг даргад 4 иргэн нэр дэвшиж,  иргэн Ц.Нямханд, Ц.Анхбаяр нар дээр дахин санал хураалт явагдаж, 153 хүний санал буюу өрсөлдөгчөөсөө 1 хүний илүү санал авсан  Ц.Анхбаярыг багийн Засаг даргаар батламжуулахаар нэрийг дэвшүүллээ. Багийн ИНХ-ын Тэргүүлэгчдийн тоог 5 байхаар баталж, багийн нутаг дэвсгэрийн  гол бүрийн төлөөлөл болсон иргэдийг сонголоо. Тус багийн төв болон нутаг дэвсгэр нь  2012 онд УИХ-ын гишүүн Энх-Амгалангийн санаачилга, хөрөнгө оруулалтаар  юнителийн гар утасны сүлжээнд холбогдсон бөгөөд 2013 онд сумын ОНХС-ийн хөрөнгө оруулалт болон УИХ-ын гишүүн Ц.Даваасүрэнгийн санаачилгаар хийгдсэн улсын төсвийн хөрөнгө оруулалтаар багийн иргэдэд үйлчлэх төвийг шинээр барьж, Соёлын төвд их засвар хийж, тохижуулсан.