Тус сумаас 17 жарны тахиа жилийн сар шинийн өмнө 2-р багийн малчин Хорлоогийн Хүрэлбаатар "Аймгийн хошой аварга" малчин шагналаар, 1-р багийн малчин Лхагвасүрэнгийн Өлзийсайхан, 2-р багийн малчин Дашдэмбэрэлийн Ганхуяг, 3-р багийн малчин Цогзолын Хүрэлбаатар, Доржоогийн Бямбадорж, 4-р багийн малчин Чадраабалын Даваадорж нар "Аймгийн аварга малчин" шагналаар тус тус шагнагдлаа. Шагналыг 02 дугаар сарын 23-ны өдөр аймгийн ИТХ-ын дарга Л.Төмөрбаатар, сумын ИТХ-ын дарга Г.Бямбасүрэн, сумын Засаг дарга Т.Эрдэнэбат малчны хотонд очиж гардуулж өглөө. Сумын ИТХ-ын дарга аймгийн аварга малчин шагналаар шагнагдсан дээрх 6 малчинд Төмөрбулаг сумын дээд шагнал "Нутгийн бахархал" тэмдэг, үнэмлэхийг гардуулж, дурсгалын зүйлээр шагнасан бол сумын Засаг дарга Т.Эрдэнэбат Хүндэт өргөмжлөл, дурсгалын зүйлээр шагнаж хүндэтгэл үзүүлэв.